Conditional Financial Assistance kadagiti Teenage Mother ditoy siudad ti Laoag, kalikagum a maipangato

 

LAOAG CITY – Kalikagum ti Population on Commission ditoy siudad ti Laoag a maipangato ti Conditional Financial Assistance kadagiti Teenage Mother ditoy siudad.

Segun ken ni Ms. Janet Retamal, mangidadaulo iti nasao nga opisina, saan nga umanay ti 500 a pisos a pangsupusop kadagiti kasapulan a gastosen iti inaldaw-aldaw dagiti ubbing nga inna nangruna no kayatda a mangrugi iti bassit a negosio.

Gapu iti daytoy, inbatadna a mangputarda ti resolusion a mangkidkiddaw ti pannakaipangato ti mailatang a pundo para iti nasao a programa a maipasa iti Sangguniang Panlungsod.

Innayonna a babaen iti daytoy nga addang ti opisinada ket ad-adda a matulungan dagiti ubbing nga inna nangruna ket kaaduan kadagitoy ket awan ti pangnamnamaanda.

621 laeng a proyekto dagiti na-bid ita a tawen ti DPWH 1st DEO manipud iti 626

 

LAOAG CITY – Dumanon iti 621 laeng a proyekto ti na-bid ita a tawen ti Department of Public Works and Highways First District Engineering Office manipud iti pakabuklan nga 626.

Segun ken ni District Engineer Glen Miguel a dagitoy dagiti rimmuar laeng iti General Appropriations Act.

Inbatadna a karaman ditoy ti 2nd package ti viaduct by pass road ken dadduma pay a dalan, rangtay, multi-purpose buildings ken school building.

Inlawlawagna a dagitoy a proyekto ket saan a nairaman iti election ban gapu ta sakbay pay ti pannakaipatungpalna ket immunan a na-bid.

Nupay kasta, dagiti saan pay na-bid a proyekto pakairamanan dagiti nayon a proyekto manipud Department of Agriculture ken Department of Education ket ma-bid sakbay nga ag-lapse kalpasan ti panagngudo ti election ban tapno mai-award ken marugianan dagitoy.

Maipalagip a naipatungpal ti election ban idi Enero 12 ken nagngudo idi Hunio 30 ita a tawen no sadinno nga adda dagiti aktibidad a saan a mabalin a maipatungpal ken karaman ditoyen ti pannaka-bid dagiti proyekto.

Naruay nga ubbing a babbai nga agtawen ti 9-14, nabakunaan ti anti-cervical cancer ditoy ciudad ti Laoag

 

LAOAG CITY – Naruay nga ubbing a babbai nga agtawen  ti 9 agingga iti 14, pakairamanan dagiti inna da ti nabenipisiaran ti libre a bakuna kontra cervical cancer a naiwayat iti Ilocos Norte National High School (INNHS) ken Ilocos Norte College of Arts and Trade (INCAT) ditoy ciudad ti Laoag ita nga aldaw, Hulyo 9.

161 nga indibidual, nagtalinaed a mapukpukaw gapu iti nakaro a layos idiay Texas

 

LAOAG CITY – Nagtalinaed a mapukpukaw ti 161 nga indibidual ken 109 ti nakumpirmaran a natay gapu iti nakaro a layos idiay Texas, United States of America.

Resolusion para iti Temporary Closure Order iti maysa a poultry farm iti Brgy. Naglicuan iti ili ti Pasuquin, inaprobaran ti Sangguniang Bayan

 

LAOAG CITY – Inaprobaran ti Sangguniang Bayan ti resolusion para iti Temporary Closure Order iti maysa a poultry farm iti Barangay Naglicuan iti ili ti Pasuquin.

Tallo a kameng ti Sang Panlalawigan, awan ti naipaay kadakuada nga idaulwan da a komite

 

LAOAG CITY – Awan pulos ti naipaay nga idaulwan a komite dagiti tallo a kameng ti Sang Panlalawigan ditoy probinsya.

Ex-convict, naarestar iti anti-illegal drug buy-bust operation iti ili ti Pasuquin

 

LAOAG CITY – Nagballigi dagiti kameng ti Philippine National Police nga indaulwan ni Police Major Sheryl Guzman, ti chief of police iti ili ti Pasuquin, iti naisayangkat nga anti-illegal drug buy-bust operation iti Barangay 12, Puyupuyan ti nadakamat nga ili.